![ეროვნული ლიგა. VI ტური. “იბერია 1999” – “კოლხეთი” [LIVE]](https://news.ge/wp-content/uploads/2025/04/d5d6980721eb1002b284d8458b648985-cwpuBr.jpeg)
ჰითროუს აეროპორტი, ელექტროენერგიის გათიშვის გამო, მთელი დღის განმავლობაში დაიკეტება
ლონდონის ჰითროუს აეროპორტი დღეს მთელი დღის განმავლობაში არ იმუშავებს ახლომდებარე ელექტრო ქვესადგურში მომხდარი ხანძრის გამო, რომელიც მას ელექტროენერგიას აწვდის, – ინფორმაციას BBC-ი ავრცელებს. აეროპორტის ადმინისტრაციის მიერ გავრცელებულ ინფორმაციაში აღნიშნულია, რომ ხანძრის გამო აეროპორტში ელექტროენერგია გაითიშა. „ჩვენი მგზავრებისა და კოლეგების უსაფრთხოების შესანარჩუნებლად, ჰითროუ დაკეტილი იქნება 21 მარტის 23:59 საათამდე. მგზავრებს ვურჩევთ, არ გაემგზავრონ აეროპორტში და დამატებითი […]
ლონდონის ჰითროუს აეროპორტი დღეს მთელი დღის განმავლობაში არ იმუშავებს ახლომდებარე ელექტრო ქვესადგურში მომხდარი ხანძრის გამო, რომელიც მას ელექტროენერგიას აწვდის, – ინფორმაციას BBC-ი ავრცელებს.
აეროპორტის ადმინისტრაციის მიერ გავრცელებულ ინფორმაციაში აღნიშნულია, რომ ხანძრის გამო აეროპორტში ელექტროენერგია გაითიშა.
„ჩვენი მგზავრებისა და კოლეგების უსაფრთხოების შესანარჩუნებლად, ჰითროუ დაკეტილი იქნება 21 მარტის 23:59 საათამდე. მგზავრებს ვურჩევთ, არ გაემგზავრონ აეროპორტში და დამატებითი ინფორმაციისთვის დაუკავშირდნენ ავიაკომპანიას. ბოდიშს გიხდით შექმნილი დისკომფორტისთვის“, – აღნიშნულია განცხადებაში.
ცნობისთვის, ლონდონის დასავლეთში, ჰეისში მდებარე ქვესადგურზე გაჩენილმა ხანძარმა ათასობით სახლი ელექტროენერგიის გარეშე დატოვა და მიმდებარე ტერიტორიებიდან 150-მდე ადამიანის ევაკუაცია გამოიწვია. ლონდონის სახანძრო ბრიგადის ცნობით, ხანძრის ჩასაქრობად ათი სახანძრო მანქანა და 70-მდე მეხანძრე გაიგზავნა.
What's Your Reaction?
