ლუკა ლოჩოშვილით იტალიურ დივიზიონში დაწინაურებული კლუბი დაინტერესდა
ლუკა ლოჩოშვილით იტალიურ დივიზიონში დაწინაურებული კლუბი დაინტერესდა
იტალიური გამოცემა Il Mattino იტყობინება, რომ სერია B-ში დაწინაურებული "აველინო“ ცენტრალური დაცვის ხაზის გაძლიერებას ცდილობს, და ამ კონტექსტში ლუკა ლოჩოშვილის კანდიდატურა ერთ-ერთ პირველ რიგში განიხილება.
26 წლის ქართველი მცველი, რომელიც "კრემონეზეს“ საკუთრებაშია, გასული სეზონის მეორე ნახევარში "სალერნიტანაში“ იჯარით თამაშობდა და სერია B-ში 20 შეხვედრაში მიიღო მონაწილეობა. თუმცა, სეზონის დასრულების შემდეგ იგი კვლავ "კრემონეზეს“ დაუბრუნდა.
ლოჩოშვილის ამჟამინდელი სტატუსი და ვითარება განსაკუთრებით ხელსაყრელია კლუბისთვის, გათვალისწინებით იმისა, რომ მისი კონტრაქტი ივნისში იწურება,
"კრემონეზეს" სერია C-ში დაქვეითებამ კლუბის გეგმები შეცვალა და ლოჩოშვილი ლომბარდიულ კლუბში სამომავლო გეგმებში აღარ შედის.
წარსულში მან ავსტრიულ "ვოლფსბერგერშიც" იასპარეზა, ხოლო საქართველოს ეროვნულ ნაკრებში დროული დებიუტიდან მოყოლებული რეგულარული მოთამაშეა.
"აველინო" ჯერ საბოლოო გადაწყვეტილებას არ იღებს. როგორც იტალიურ მედიაში წერენ, კლუბი შესაძლოა დაელოდოს მოვლენების შემდგომ განვითარებას და ზაფხულის სატრანსფერო ფანჯარაში „კრემონეზეს“ პირობების შესაბამისად იმოქმედოს, თუმცა ლოჩოშვილის გაფორმება, როგორც ჩანს, პრიორიტეტულ გეგმებშია.
What's Your Reaction?
