“მამარდაშვილს შეცდომები ჰქონდა, დასვენება სჭირდება… კიტეიშვილი იკაპიტნებს” – სანიოლი სომხეთთან თამაშზე

სომხეთის ნაკრებთან ორრაუნდიანი პლეი-ოფის წინ და შემადგენლობის გამოცხადების შემდეგ, საქართველოს ნაკრების მთავარმა მწვრთნელმა ვილი სანიოლმა პრესკონფერენცია გამართა.

როგორც ეროვნული ნაკრების თავკაცმა განაცხადა, გურამ კაშიას ნაცვლად, სომხეთთან პირველ მატჩში ნაკრებს ოთარ კიტეიშვილი უკაპიტნებს.

სომხეთთან დაპირისპირება კავკასიის დერბია და რთული მატჩები გველის. “ა” ლიგისთვის მზად არ ვართ, მაგრამ არც “ც” ლიგაა ჩვენი შესაფერისი.

პირველ მატჩში კაპიტანი ოთარ კიტეიშვილი იქნება. ის ამ პოზიციაზე გათვალისწინებული მომავალშიც გვეყოლება…

კვარაცხელია და კაშია გუნდთან ერთად იქნებიან. შანსი სხვებს მიეცემათ, მაგალითად, საბა გოგლიჩიძეს, რომლის დებიუტსაც უფრო ადრეც ვგეგმავდით, – აღნიშნა მან.

სანიოლმა ვალენსიას ქართველ მეკარეზეც და აღნიშნა, რომ მას დასვენება სჭირდება, რადგან ორი წლის განმავლობაში გადაბმულად ბევრი ითამაშა.

გიორგი მამარდაშვილი ნამდვილად ის ფეხბურთელია, რომელსაც დასვენება სჭირდება, ორი წლის განმავლობაში გადაბმულად ბევრი ითამაშა. შემოდგომაზე შეცდომები ჰქონდა, მაგრამ ის თავის ოპტიმალურ ფორმას აუცილებლად დაიბრუნებს.

სომხეთის ნაკრები ახალმა მწვრთნელმა ახლახან ჩაიბარა და დეტალურად რამის თქმა რთულია. მისი საბერძნეთის ნაკრები და “აიაქსი” ოთხი მცველითა და მაღალი ინტენსივობით თამაშობდა. უმჯობესია, პირველ რიგში, ჩვენ შესაძლებლობებზე ვკონცენტრირდეთ.

ეროვნული ლიგის საინტერესო ფეხბურთელები ბოლო დროს საზღვარგარეთ გადავიდნენ და ახლა სიაში ამიტომ არ არიან. ჩემთვის მნიშვნელობა არ აქვს, ვინ სად თამაშობს, მთავარი სათამაშო ფორმაა.

The post “მამარდაშვილს შეცდომები ჰქონდა, დასვენება სჭირდება… კიტეიშვილი იკაპიტნებს” – სანიოლი სომხეთთან თამაშზე appeared first on .