BTU-ს ბიზნესის ადმინისტრირების ერთწლიან სამაგისტრო პროგრამაზე რეგისტრაცია 13 თებერვლამდე გრძელდება

ერთწლიან სამაგისტრო პროგრამაზე „ბიზნესის ადმინისტრირება აღმასრულებელი მენეჯერებისთვის“ რეგისტრაცია 13 თებერვლის ჩათვლით გრძელდება. EMBA ბიზნესისა და ტექნოლოგიების უნივერსიტეტის ახალი შეთავაზებაა მაგისტრანტებისთვის, რომლის მიზანიც მოკლე დროში კვალიფიკაციის ამაღლება და კარიერული წინსვლაა.
მნიშვნელოვანია, რომ პროგრამაზე ჩაბარება ერთიანი სამაგისტრო გამოცდების გარეშე, მხოლოდ შიდა პროცედურებით ხდება. უნივერსიტეტი კი თავად უზრუნველყოფს შესარჩევ პროცესს, რომელიც მარტივ და მოქნილ მოთხოვნებს მოიცავს.
პროგრამაზე რეგისტრაცია 5-დან 13 თებერვლამდე გრძელდება მოცემულ ბმულზე.
აღსანიშნავია, რომ ახალი სამაგისტრო პროგრამა აღმასრულებელი მენეჯერებისთვისაა გათვლილი – მათთვის, ვისაც გარკვეული ცოდნა და გამოცდილება უკვე აქვთ და ახლა მოკლე დროში კარიერული წინსვლა სურთ.
„ჩვენ მიერ შეთავაზებული სასწავლო პროგრამები ძალიან კონკურენტულია. საქართველოს ბაზარზე ბიზნესის და ტექნოლოგიების ინტეგრირებულად შესწავლისა და მისი საქმიანობაში დანერგვის შესაძლებლობას ვზრდით. BTU-ს ბიზნეს ადმინისტრირების სამაგისტრო პროგრამის მნიშვნელოვანი ნაწილი სწორედ პრაქტიკულ სწავლებას ეთმობა. კერძოდ, უნივერსიტეტის მხრიდან სრული დაფინანსებით, მაგისტრანტები მონაწილეობას იღებენ როგორც ადგილობრივ, ისე საერთაშორისო პროექტებში, ტრენინგებსა და ტექ-კურსებში. გეტყვით იმასაც, რომ ბიზნესისა და ტექნოლოგიების უნივერსიტეტი 9 ტექნოლოგიურ ლაბს აერთიანებს: AI ლაბორატორია, IOS & ANDROID ლაბორატორია, ლაბორატორია 4.0, განახლებადი ენერგო წყაროების ლაბორატორია, ბლოქჩეინ ლაბორატორია, კიბერუსაფრთხოების ლაბორატორია, მდგრადობის ლაბორატორია, Microsoft ლაბორატორია და MarTech ლაბორატორია“, – აღნიშნავს პროგრამის „ბიზნესის ადმინისტრირება აღმასრულებელი მენეჯერებისთვის“ ხელმძღვანელი ნინო ჭედია.
ერთწლიან სამაგისტრო პროგრამაზე „ბიზნესის ადმინისტრირება აღმასრულებელი მენეჯერებისთვის“ სწავლის ღირებულება 2950 ლარია.
აღსანიშნავია, რომ პირველ ეტაპზე 50 მაგისტრანტი შეძლებს სწავლის დაწყებას.
პროგრამის შიდა ჩასაბარებელი პროცედურა მოიცავს გამოცდასა და გასაუბრებას.
ინგლისურ ენაში გამოცდის ჩაბარება არ მოეთხოვება იმ მაგისტრანტობის კანდიდატს, რომელიც წარმოადგენს ინგლისური ენის არანაკლებ B2 დონეზე ფლობის დამადასტურებელ დოკუმენტს.
პროგრამაზე მიმდინარეობს ონლაინ რეგისტრაცია მითითებულ ბმულზე.
(R)