„დონორული დახმარების გარეშე ძალიან გაგვიჭირდება“ – ნინო ჩხობაძე (bm.ge)

„დონორული დახმარების გარეშე ძალიან გაგვიჭირდება“ – ნინო ჩხობაძე (bm.ge)
ორგანიზაცია „საქართველოს მწვანეები – დედამიწის მეგობრების“ თავმჯდომარე რედაქტ2-თან ინტერვიუში გარემოს დაცვის მიმართულებით დონორული დაფინანსების მნიშვნელობაზე საუბრობს.
ნინო ჩხობაძის თქმით, გამჭვირვალობის კანონის მიღების შემდეგ საქართველოში რამდენიმე მნიშვნელოვანი პროექტი შეჩერდა, სახელმწიფოს კი ამ პროექტების საბიუჯეტო სახსრებით დაფინანსების რესურსი ნაკლებად აქვს. “დონორული დახმარების გარეშე ძალიან გაგვიჭირდება” – აცხადებს ნინო ჩხობაძე.
“ჩვენ სერიოზული ჩავარდნები გვექნება სოფლის მეურნეობაში, გარემოს დაცვის სისტემებში და მართვაში, სუფთა წყლის მიწოდებაში მოქალაქეებისთვის. ჯერ კიდევ არ ვიცით შევძლებთ სუფთა წყალი მივაწოდოთ ყველა მოქალაქეს?! ვასრულებთ კონსტიტუციის იმ მუხლს, რომ მაქვს უფლება ვიცხოვროთ ჯანსაღ გარემოში?!
ყველა მონაცემები მეტყველებს იმაზე, რომ ჩვენი გარემო უფრო უარესდება და არ უმჯობესდება. პრობლემები არის ძალიან ბევრი. სერიოზულ პათოლოგიებს ვხედავთ, ბევრ შემთხვევაში ეს არის გარემოდან გამოწვეული.
მე არ ვიცი, რამდენად შესწევს სახელმწიფოს ამის ძალა, რომ თვითონ ჩაანაცვლოს დონორული დაფინანსება. რასაც ვუყურებთ ბიუჯეტს, ვერ ვხედავ ამის შესაძლებლობას.
ისეთ რაღაცებში ვხარჯავთ ფულს, რაშიც არ უნდა დავხარჯოთ და პირიქით ვიმუშაოთ უსაფრთხოებაზე, კატასტროფების წინააღმდეგ. გაფრთხილების სისტემა ბოლომდე არ გვაქვს აწყობილი, არაფერი არ გვაქვს ჯერჯერობით. ჩვენ არ ვართ დაზღვეული, რომ მსხვერპლი არ მოხდება. ჯერ კიდევ არ გაგვაჩნია გაფრთხილების სისტემა, ჩვენ არ გაგვაჩნია მონიტორინგის სისტემა სრულად გაშლილი. ეს ყველაფერი კეთდებოდა ახლა დონორული დახმარებით. თუ ეს დონორული დახმარებები არ იქნება, სახელმწიფოს ვერ შესწევს ძალა ეს გამოწვევები დაძლიოს. დონორული დახმარების გარეშე ძალიან გაგვიჭირდება. განვითარებულ ქვეყნებს უჭირთ. ჩვენ არ გვაქვს ისეთი მდგრადი ეკონომიკა, რომ შევძლოთ ასეთი ნაბიჯების გადადგმა.
ჩვენ ჰაერის მონიტორინგის სისტემა გვაქვს ასაწყობი, წყლის დაბინძურების სისტემა გვაქვს ასაწყობი, ვიცით ნიადაგი რა მდგომარეობაში?! ეროზიები ყველგან რომ ვითარდება?! ჩვენ ვიცით, რომ უმძიმესი მდგომარეობაა და ყველაფერს ფული სჭირდება”,- განაცხადა რედაქტ2-თან ინტერვიუში ნინო ჩხობაძე.