“სასაწყობე ბაზარი ძირითადად ფრაგმენტულია, დამატებით სერვისებზე საუბარი კი ზედმეტი”- მიხეილ ნამადოვი

სასაწყობე ფართებზე მოთხოვნა იზრდება, თუმცა სექტორი ფრაგმენტულია და ინფრასტრუქტურის ძირითადი ნაწილი მოძველებულია. თიბისი კაპიტალის კვლევით, იჯარით გასაცემი საწყობების 68% თბილისშია, რომელსაც 17%-იანი წილით ქუთაისი მოჰყვება. მონაცემები აჩვენებს, რომ შედარებით მცირე რაოდენობის ფართებია ბათუმსა და ფოთში.
Kairos Logistics-ის გენერალური დირექტორი გვიხსნის, რომ რეგიონებში სასაწყობე ფართების განვითარების კუთხით პერსპექტივა არის, რა მიმართულებითაც კომპანია ინფრასტრუქტურას აქტიურად ავითარებს. მისი თქმით, თბილისი ამ კუთხით ყველაზე მოთხოვნად ლოკაციად რჩება, თუმცა მოთხოვნა მზარდია ფოთის და ბათუმის შემთხვევაშიც.
მიხეილ ნამადოვის შეფასებით, წარმატებულად ოპერირებს თბილისის შემოვლით გზაზე საბაჟო ტერმინალი, ერთ თვეში კი კომპანია ახალი საწყობის ამოქმედებას გეგმავს. მისი შეფასებით, ბაზარზე არსებული მოთხოვნის გათვალისწინებით, წელს ვიწყებთ ზაფხულში ფოთში ინდუსტრიული საბაჟო ტერმინალის მშენებლობაც დაიწყება.
“ჩვენი შეფასებით დღეს მოთხოვნა უფრო მეტია, უფრო მეტი ზრდა სჭირდება. საკმაოდ მაღალი ჩანაცვლება მიდის, თბილისში საწყობები ძირითადად ამორტიზებულია, თბილისში მიწა ბევრად ძვირი გახდა და ამ მიწის ეკონომიკური მიზნობრიობა, რომელიც ბევრი ცენტრშია დიდუბეში, სამგორში, ნაძალადევში უკვე ფასს კარგავს ამ მიწაზე გქონდეს საწყობი. ამას ემატება რეგულაციები, რომელიც მაღალი გამავლობის მანქანების გადაადგილებაზე მოქმედებს. შესაბამისად, როგორც ნებისმიერ ნორმალურ მილიონზე მეტ მოსახლეობის მქონე ქალაქში, სასაწყობე ფართები ვითარდება ქალაქის გარშემო, მივდივართ ერთი ფანჯრის პრინციპითაც, შორს ვართ 3 PL მომსახურებისგან, თუმცა მივდივართ ნელ-ნელა და ვუახლოვდებით. ბაზარი ძირითადად ფრაგმენტულია, დამატებით სერვისებზე საუბარი ხომ ზედმეტია, ამიტომ ჩვენი გუნდი 12 წლიანი ექსპერტიზის გამოცდილებით, ვფიქრობთ, რომ ამ მიმართულებით სერიოზულ განვითარებას შევთავაზებთ ბაზარს.”- ამბობს Kairos Logistics-ის გენერალური დირექტორი მიხეილ ნამადოვი.